我看過這個八色小籠包的相片,應該大約是一年多前, 那個時候呢個係全城熱話,那個時候乜野小籠包都行埋一面, 十月的來臨,講開蟹粉小籠包,突然有朋友又講開呢度嘅小籠包, 佢仲推薦樂天皇朝係香港另一間出色的過江龍餐廳,自上次莆田後, 我對於新加坡的餐廳有非一般的好感, 於是星期六的下午我們兩來吃了個下午茶。
大概我沒有想過這類是這麼漂亮的,小橋流水人家,闊落的坐位, 我覺得係華麗的裝修,這些都是非常大的驚喜, 我沒有想過吃小籠包都可以咁奢華, 其裝修拍得住那些米芝蓮一星的酒店餐廳。
不過都係食左先講,食物先係餐廳的靈魂, 就看看其一個靈魂的告白是如何,畢竟都有人批評過水準普通, 特別是那八色小籠包。
未坐暖張椅子就已經叫過八色小籠包,不用十分鐘便已上到。 這裡有教你點食,順序去吃,由淺入深, 讓你可以吃到每種的真實味道。
原味大概可以吃出呢度小籠包嘅真諦,包皮是剛剛好的尺寸, 薄薄地透視出那些餡料豐厚無比,就如男人那話兒,足夠就好了, 適合自己的心頭好,便已經是最好的小籠包,這出是女士的心聲吧。
人蔘好喜歡,味道很出,唔會有苦澀味, 回甘的力度慢慢在口中揮動起來,顏色雖然不討好, 但呢個較為淡的味絕對是喜歡清淡的我較有好感的一個。
然後筆鋒一轉就來到了較為濃味的鵝肝,不過,其味道唔重, 都是較淡的鵝肝感覺, 可能是特別因為其在中間的關係而沒有將其味道整得好濃, 淡淡的鵝肝如幽魅般在你口中攝過,就如分身術一樣。
黑松露的味道,充滿了小籠包的外到內, 那個黑松露自然地在你咀裡慢慢滲透出來, 比剛剛的鵝肝和人蔘都重一點,而樣子也是這籠包中色彩最漂亮, 相對來說,外涵內涵也夠。
你以為芝士係最濃的口味吧,誰知芝士也是以幽香為主軸, 不會是將芝士大大舊塞入去咁,或是芝士係包裡面咇出來, 相對平易近人。
蟹粉充滿了蟹味,但係呢個有各種不同口味的小籠包當中, 佢驚喜較少,冇咁特別,不過蟹粉當然澎湃, 絕對不比那些上海店尊美。
我以為我會好喜歡蒜香,但反而蒜香沒有想像般重味, 只是悄悄的在咀嚼的空間中可以感受到,如果佢可以再濃一點, 我會更加喜歡。
麻辣也是最終的目標,係全個小籠包最重口味的, 咬一口其肉汁都係充滿麻辣的香和辣, 不是將你的舌頭立刻變得麻辣,反而係慢慢把你的舌頭麻醉, 連餡料都有一點的辣味,做得非常細緻。
說真,吃完後,雖然不可以說是好驚嘆,但係好食絕對係事實, 因此,有時候我覺得別人的意見不大好取,始終, 你自已才是你的人生規劃家,你喜歡甜酸苦辣都是你吃過才知道的, 如果我相信人地所說,可能我就會吃不到呢度的美味。
吃完麻辣的小籠包,麻婆豆腐烤桂魚就係必選的項目, 保持舌頭還在享受那麻辣的狀態當中,麻婆豆腐滑得很, 唔會係十分辣個種感覺,送飯一流, 烤桂魚沾上了麻婆豆腐的醬料香味,而且桂魚非常大條而且肥美, 每啖都是啖啖的魚肉,可惜我是吃下午茶, 如果唔係叫碗白飯來送也是無可置疑的。
蟹粉蝦仁,十月唔食蟹粉菜式對唔住自己啦,樣子已經係十分精美, 精美到你唔想食,你吃一口蟹粉, 你會感受到完全就是大閘蟹的季節的氣息,蟹粉濃厚, 啖啖都是那蟹粉的鮮美,通常配豆腐的蟹粉,呢度再豪華一點, 用上大大粒晶瑩剔透的蝦仁去襯托其珍貴的蟹粉, 絕對係高貴又得體,兩樣都美味的食物,誰也搶不了誰的鏡。
喇沙海鮮拉麵,樣子好靚,配合那個大大的中國式大碗,非常吸引。 這個應該係我在香港吃過最近似新加坡328的味道了, 那個湯頭有濃濃的奶香,基本上佢放低就已經嗅到其濃濃的喇沙味, 拉麵完全把這些湯頭的精華都沾上, 基本上你會未必會係香港試過咁濃厚的湯底, 喜歡喇沙也自然會鐘意個濃度,不過好易食得好飽, 蝦肉也完全沾上了其喇沙的香氣,基本上我找不到有不足的地方。
最後,吃到咁飽,睇完menu的我都係決定要了一個甜品, 呢個就應該係全球獨有,榴蓮小籠包,你喜歡榴蓮的話, 你冇可能會唔食,外面的樣子一如剛剛的八色原味一樣, 然裡面藏著另一個天空,榴蓮就如流心一般係裡面慢慢流出來, 我的食法是這樣,我咬開一個小洞, 然後慢慢將裡面的榴蓮流心吸出來,那味道係非常幸福又美滿的, 榴蓮味不會好似你平日吃的咁重咁勁, 佢係較輕輕鬆鬆鄧梓峰的榴蓮味, 如果你平時吃不到或唔接受榴蓮的味道,我覺得都可以一試, 呢個仲搶鏡過剛剛的八色,相信我,就算你是討厭榴蓮的味, 你也不難接受,一於吃吃去開發自己的味覺吧, 你會發現原來榴蓮都可以好可愛。
的確,我唔明白點解會有人話呢度嘅小籠包係普通水準, 我覺得比香港大部分店都好很多,直頭係高幾班, 我覺得頭先話佢嘅其裝修拍得住那些米芝蓮一星的酒店餐廳, 美食就算摘不了星也可以成為車軑人美食吧,新加坡的過江龍, 原來隨左莆田外,還有這樣出色的樂天皇朝, 有些事情你沒有親身試過你是不明白的,如果你聽過呢度麻麻, 我覺得你真係要來試真一下,唔係就錯過了小籠包的精彩了。
樂天皇朝 Paradise Dynasty
銅鑼灣波斯富街99號利舞臺廣場6樓
沒有留言:
發佈留言