樹熊の食桌: 是有種人

2015年11月9日星期一

是有種人

是有種人，就是會吸引你的眼光，他們有種光芒，就會令你留意佢。

是有種人，那些中英文好讀書叻田徑勁運動醒玩樂器彈二胡係風紀的男孩，入一下藍球都會引來恐慌。

是有種人，佢講野特別動聽，乜都識，令你不期然好似聽人說故事一樣，佢話佢可以摘天上的月亮給你你都會信一樣。

大概Eddy就是這種人，那種人人會喜歡的有內涵有味道的男人，而浪子係佢外号，對，也不是神化，佢係絕對如廚界的摩帥，係the special one 。

就是他，當我見到佢係銅鑼灣開新店，我立刻和I小姐來支持，上次，也是我們在尖沙咀的西餐大排檔體驗佢無比的引力。

其實今晚來到支持下佢，無想過會見到eddy，那個風采絕對係我剛剛說的那種人，魅力係你抵擋不了的，聽他解說，你會想把Menu的東西全部也叫出來吃下箇中的細味，對，是有種人，就是令人會愛上其迷人的特質，朋友I都話，又靚仔煮野又叻，係必勝的方程式。

越講越多野想叫，可惜有人放飛機，兩個人不能叫太多，我們選了一些最愛的，也選了一些沒有叫過的菜式，溫故知新，就如你係入戲院睇新一集Hunger game之前，你會再重新煲番舊個幾套一樣。

來杯飲品先，Strawberry baby ，又名草莓BB，係鮮草莓汁和梳打水的大成，樣子好fancy，好易令人愛上，女孩必選。

其實有幾樣野好想試，第一，我好想試那個新出的蒸餾水火鍋，這是Eddy精心想的一個新菜式，第二，還有那個海鮮刺身拼盤，朋友吃過推薦到不行，但今晚和I小姐吃飯，佢唔食生嘢也不想吃火鍋，結果我們便選擇了A la cart，上次入門佢地推薦我們食set dinner，知道有乜口味自己適合，今次我地更容易選擇到我們喜歡的食物。

上次已經吃過這個黑毛豬海鮮肉骨茶，一試便已經愛上。今次，一定encore，那感覺更強烈。

那不是給工人吃的肉骨茶$88，高貴的包裝是浪子的得意之作，那是黑毛豬為主角，係肥美有肉感得黎都高貴等如貴婦一樣，不是那些肥肉骨充實你肚皮，鮑魚彈牙而充滿肉骨茶的鮮味，鱸魚係大大件的甜魚味，還有浪子幫你剝殼的蝦，你又點會唔鐘意呢，肉骨茶味沒有這麼濃，更配合香港女性的口味，原來肉骨茶也可這麼溫柔。

我以為我會最鐘意肉骨茶，點知Eddy推薦的蟹肉濃湯配鮮蠔杯$128,完全係另一道更正的佳餚。呢個蟹肉湯絕對唔會好似外邊的龍蝦湯一樣只有其名而沒有其實，蟹肉湯全部都係蟹肉，你翻開湯底，全部都係水蟹拆嘅蟹肉，還有那個濃濃的蟹湯，全是淡淡實幹由蟹來搬出來的鮮味，隨湯附上一shot生蠔，對，係一shot，那shot生蠔送上酸酸的檸檬汁，一啖放入口再送一啖湯，那複雜的口感就如女人望到浪子般束手無策，要愛還是等，你全不知所措，無腳的雀仔是令人又愛恨，這個湯也能給你這個感覺，令你愛得死去活來。

豬扒飽都係澳門人的trademark吧，Eddy告訴你香港都可以有自己的一套，香港豬扒飽$88，不是用上香港的豬，你會吃到係西班牙食橡果的黑毛豬，配菜加上了菠蘿basil。咬下去一刻，那個豬仔飽當然是脆到不行，但主角係黑毛豬，那件豬絕對係滿分，在一點蜜糖芥末的調味下，完全係突出那豬的獨特味覺，連豬油你都覺得唔覺肥膩，吃到的都是香氣撲鼻和啖啖有嚼勁的黑毛豬，吃完後試啖菠蘿同basil，是百分百的match。

香蒜牛油燒大蝦$168, 這個是美麗的誤會，本來朋友想叫燒鮮蝦，我卻誤會叫左呢個，但樣子絕對係吸引，粗獷的男人實喜歡，一定食得飽，大蝦就好似上次的蝦多士一樣，如果女仔一隻應該都吃不完，牛油味非常香，蒜蓉和牛油把大蝦都有一種親密關係，就像分不開的一對般，色香味俱傳大概就是這個簡單意思。

香蒜米酒錫紙燒鮮蝦$158，呢個係較中菜的方式，是切合其西餐大排檔的主題。當揭開那錫紙的一刻，香蒜和米酒已在空氣中傳播，勁到你放幾臭嘅屁也擋不住的味道，鮮蝦係更為新鮮結實，如果不用剝殼更佳，蝦完全吸收了那酒的香，這個原來更勝香蒜牛油燒大蝦，一柔一剛，浪子就是這樣，一呼一吸，一收一放，是叫你著迷。

可能我對意粉有自己一套，相對紐西蘭蟶子意粉$168係較為失望之作，當然唔係唔好，只不過我較得佢可以更好食，意粉相對較為唔係乾身類，但每條意粉都充滿羅勒蒜頭蘑菇的味道，如果乾身點我會更加喜歡。蟶子的感覺與平常有些微差距，較為軟和薄身，如果係原條蟶子皇我會吃得更痛快，不過，前面太過出色，令到佢無咁搶鏡。

最後我地encore了燒西班牙正宗黑毛豬肋條肉，這個其實是剛剛豬扒飽的靈魂，硬橋碼馬的一條豬肋骨，沒有了豬仔飽，你更體驗到豬的味，不過，和上次對比，好像今次有點鹹左少少，係現今女孩會喜歡健康的飲食，可能會覺得太重味，不過我明白那是因為要以其方式帶出黑毛豬肋條肉的狂野味道，吃多件菠蘿，令你中和整個味覺，整體感覺更佳必定更佳。