這只是觸釋一個現象,西環自地鐵通車以後, 西環的餐廳就大發雷霆,萬馬千軍,基本上日日有新餐廳, 從前在港大讀書的時候,都沒有這麼多的選擇。 自己其實最喜歡呢啲新上榜餐廳, 至少新鮮感絕對係其他區俾唔到你的。
今次沒有手工啤酒,不是台灣小吃,沒有韓國型男, 也沒有西班牙的tapas,這是一間簡單的西餐廳, 沒有什麼gimmick,就是每樣東西都用心去處理, 令你會有興趣一路向西去幫襯呢間餐廳, 就正如為什麼向西村上春樹要走得去東蒄尋開心? 大約就是為了那用心的服務水準吧。
地方幾大的餐廳,情調絕對可靠,大班人食飯也不錯, 由像中式的炸雞到西式pizza或德國腸都有,彷如聯合國。
坐下便要了杯Mojito, 吃西餐怎能少得一杯cocktail,大概是我的信仰, 一杯雞尾酒就是有說不出的吸引力,特別是mojito, 為胃部打開個天空,去享受期待的晚餐。
Lemon chicken wing 炸雞是我的最愛,特別係炸得乾爽少油而又維持其美味的話, 這裡的檸檬味炸雞,包括了我喜歡的所有元素,自然吃不停口。
前菜還有大大粒的炸蝦球,我喜歡其賣相,當然蝦球也是爽口彈牙, 唔會係低質素的手法,做到炸物最好境界,迫近大阪的炸物, 食到又唔會覺得好鹹好熱氣好渴好乾。
腸仔併盤,幾種不同類型的德國腸,質素一定有保證, 平時你係King Lugiwg食開的份量種類也差不多,但價錢平一截, 如果你像我地一大班人去食,又邊有唔叫的理由呢?
Signature wild rice,其實是蘑菇加飯,當然不是kfc的蘑菇飯, 鮮甜多汁的蘑菇加上煙韌的飯底,配合火箭菜,清新的齌菜, 係肉和肉之間做了一定的點綴。
Linguine with Grilled seafood 海鮮意粉,中規中矩的外表係帶子和蝦的帶領下,意粉又乾爽, 好食是最自然的事。
Char-grilled New Zealand Lamb來自紐西蘭的羊架,係是晚的主菜,大大隻的羊架望到都覺得吸引, 羊肉是充滿羶香,但這羶香不會是令人討厭的, 反而肉質是鮮嫩和肥美的結合,在薄荷的調味下, 那個羊的可愛更突出,更明顯。
今晚的主角必定係呢個斧頭扒,好好好好好好好好好好好好好好好大舊,如果你是無肉不歡的朋友,你應該會好喜歡, 一見到即刻有反應,咁大舊的澳洲牛扒又juicy, 係剛剛好的medium的烹調下,那個充滿肉汁的牛扒絕對係今晚 的highlight ,切開成舊牛扒,裡面都是男人最愛的嫩口的粉紅色, 牛扒邊位烤得乾身和焦脆,肉味很濃, 但厚身的肉帶著的係香醇的回甘,咁大舊又有質素的牛扒, 真係抵食。
Pineapple pizza,係pizza hut的經驗告訴我,有菠蘿的薄餅都是伏,係好大嘅伏, 當上枱的一刻我真係完全冇好感,我直頭想食都唔食,不過, 席上有一位朋友係西環附近工作,佢話呢個真係好食到不行, 難以致信的我實在不禁要試一試。點知,凡事真係有原因, 薄薄的菠蘿薄餅味道實在十分討好,沾上雪糕, 我會說是遇見了太遲的你,那個配搭好比麥記薯條配新地, 化學作用極明顯。
吃完呢個完美的甜品,也是晚餐的尾聲了,從餐廳走過香港大學站, 不用五分鐘的路程。現在的西環, 比從前大學讀書時方便和可愛得多,而且每間餐廳都有一定的實力, 也具有一定的優勢,如果你不是手工啤酒的fans, 剛剛去完台灣,韓國料理吃得太多,西班牙小食驚吃不夠, 試試這裡,準會有其適合你的元素在裡面。
Cafe 2
西環皇后大道西371號地下
沒有留言:
發佈留言