而星期五,通常你會喜歡來一杯酒happy hour ,又或者滿足下你一個星期的疲勞,你會選擇對自己好點, 食餐好嘅晚飯。
有時候,想食乜已經好麻煩,去到餐廳還要點菜先係難事, 我好懶想食什麼,朋友F小姐竟然問我有冇興趣食omakase, 唔駛諗食乜,星期五晚可以令大腦休息一下,何樂而不為, 還要有美相伴,大概這是上天安排的最好星期五, 讓大腦有一個annual leave。
地點係上岸料理,棉登徑,除了夜夜笙歌的酒吧, 還有一間外表非常吸引的日本料理,你看到門口,自然會覺得吸引, 是那種尖沙咀才有的高檔味,上次在門口有這樣感覺的, 就應該是見城吧,月頭吃這些料理,應該還可以,月尾的話, 真係驚自己負擔不起,因為如果食左好食,我真係會叫到收唔到。
這裡雖然不是正宗如鮨文的那種師傅發辦,但如果你好似我地咁懶, 可以由師傅建議食乜,佢地都會有這樣的服務。
對,又唔駛想餐廳食飯唔駛想叫乜餸,我想大概我可以係咁食就得, 最痛快由一樣為食的天蠍座F小姐的,誰說香港女孩都是港女, F小姐就是爽朗,豪邁,健談,現實和外面完全不同, 就如這間上岸料理你以為係走高格調路線, 原來佢係和鄰家女孩平易近人。
前菜係簡單又直接的冷粉絲,酸酸的口感, 為還是夏天的十一月帶來一個美好的開始。
然後是刺身的時候了,一次過把五種的刺身拿過來,有姿勢, 有實際。
五種刺身,有少見的魚類,也有常見的品種,最搶鏡係合時的秋刀。
日本魷魚,配合了帶辣味的蘿蔔蓉,鮮味更加突出, 滑滑的日本魷魚表面如把你的舌頭按摩過一樣。
曹爾,吃完會絕對令你滿足而莞爾,配合了無限海苔的, 魚帶點鹹勁,魚味係慢慢散發,肉質唔算好滑, 但其特色絕對係平常魚生少見的。
金目綢,魚皮灼過,濃味得很,這是我一個很愛的品種, 如果肥美一點,切得厚身一點,大概我會更加喜歡。
秋刀魚,不時不食,秋刀魚由內而外都係一口滑, 特別係其細膩的口感, 你能夠以舌頭去慢慢感受其秋刀魚每吋滑每吋的肥美和帶油份的觸感 ,這裡的負責人說呢兩個星期係最佳時間, 的確今年吃過最好的秋刀魚就在我現在的口中,如果你喜歡, 請快點過來,你還有一個星期,品嘗那秋刀的美態。
紫菜汁溫泉蛋沙律,那個紫菜汁是驚喜, 溫泉蛋沙律是較為清新的味覺,加上紫菜汁後, 那是清新的十八廿二的女孩塗上鮮紅口紅和高跟鞋, 你會感受到那丁點兒的變化,成件事都唔同左。
上半part完成了冷的部分,下半部是時候來吃熱食吧。
我是明太子的粉絲,最鐘意食帶有明太子的任何東西,明太子雞翼, 雞翼裡充斥著滿滿的明太子,不過不像其他明太子的食物太過濃味, 反而係淡淡的辣味...
雞軟骨,這個中規中矩的串燒,絕對係business as usual,沒有一如外邊為了有味道而加鹽的死鹹, 除非你不喜歡雞軟骨,如果唔係,你一定會喜歡。
炸蟹餅,平常你吃的炸蟹餅應該是內餡是以蟹肉加其他材料去令其成 為一塊“實得得”的蟹餅,但這裡的卻十分特別, 在炸過的蟹餅外層,包圍了暖暖的忌廉和大量的蟹肉, 呢種食法你大概會覺得新鮮,至少我冇試過呢隻蟹餅, 呢種味道嘅蟹餅。
燒蠔,呢度嘅熟食大部分都唔錯,最出色的反而係呢個燒蠔, 肥美的蠔全身都非常飽滿,蠔裡包括了的豐厚的juicy的蠔汁, 我想吃完也可像它一樣飽滿。
煎肉眼,呢個就較為普通了一點,肉眼雖然質素不錯, 但係好像煎得久了一點,如果以半成上,大概會更好味。
兩件壽司單尾,是我沒有想過的, 由熱騰騰的世界又再走到冷冰冰的境地,兩件壽司都是時令, 第一件係眼仁內,以為點解又重複吃剛剛刺身吃過的魚類, 原來其底下內有乾坤,裡面蓋著的是豐滿的海膽, 原來魚加海膽個化學作用這樣特別,佢地唔一定係配牡丹蝦, 我發現配合白色魚之非常適合。
最後吃的是蟹柳軍艦,當然以淡淡的味作結係另一種不同的感覺, 由刺激的眼仁內加海膽去到蟹枊可能不是人人喜歡那套, 但我就是喜歡這樣的形式,特別是用上松葉蟹腳拆出來的絲絲蟹柳, 雖然軍艦沒有用上最優質的紫菜,但我還是十分喜歡。
最後食omakasa點會少得甜品呢,我選了最大路的豆腐雪糕, 這個當然是最簡單不過的結尾,星期五, 就這樣輕鬆過了一個快樂晚上, 多謝F小姐的陪伴和安排了這令人驚喜的晚餐,大概, 我最開心係因為唔駛諗食乜,因為執筆之時, 我就在煩惱今晚去邊同食乜....大腦可以再申請假期嗎。
上岸料理 Kamigishi Restaurant
尖沙咀棉登徑7-9號地下B舖
沒有留言:
發佈留言