錯過了地址
你有冇在openrice有看那些最高笑臉餐廳的習慣吧? 在土瓜灣這個滿地平價和根味濃的地方,最適合我這種窮撚, 而這個其中一間最多人選好評的土瓜灣餐廳, 是我一間意想不到的打邊邊,如果你睇openrice 有啲資歷,你應該聽過呢度嘅大名,路邊鍋。
有幾次經過都見到佢高朋滿座,我常常都想, 一定有啲原因有咁多好評,佢個大名比隔離蘇三好似仲出名, 於是我一直等機會可以試佢個邊爐。
朋友說開去土瓜灣打邊爐,仲點名鴻福,我其實好喜歡, 不過時間未到冬天,上次吃到滿身大汗,那汗加炭味久久不能忘懷, 於是我提議吃呢一間出名的本地薑,畢竟,炭爐食過幾次, 呢間一次都未吃過。
朋友說好,只因也是懷著好奇的心,仍未忘跟你約定假如沒有死, 我們約定了這個路邊鍋,不過,出奇也是有個小意外。
係人都知道我係遲到常客,唔係因為人格操守有問題, 而係工作困身,工作又係那些荒野的地點, 所以我也是不可能早到的朋友,朋友說到了,我有點荒張, 於是立刻乘的士去到靠背壟道,然後行過去。
滿心以為到了,誰知,我看不到我的朋友。舊店不大,一眼望哂, 我以為自己時空錯亂,朋友問我是否在舊店,我才恍然大悟, 不是土瓜灣人,如果你來路邊鍋食飯,記得提朋友約是新店或舊店。
其實人地早send了新店的link給我, 不過懶醒的我沒有開到whatsapp圖, 結果我要跑去美景街那邊,我想我自己都要俾錢吧,錯過了地址, 還要朋友等這麼久,實在不好意思,至少我要有負任像劉燁一樣, 對舒琪一樣,不再讓你孤單,於是冒著被的士佬問候的危險, 我上了車。
去到二十五元,遲到好過冇到,還是周中的八點多,夜了, 還是快吃快走。
你已經等不及吃前菜,陳醋野生雲耳,呢個前菜好開胃, 陳醋雲耳加wasabi,不能說出奇的夾。
韓國bb象拔蚌,不是個個吃生嘢,我唔怕死是不爭的事實, 於是我自己叫了迷你version的象拔蚌, 當然沒有平常大大隻象拔蚌的味道咁鮮甜, 但平平地過口癮絕對係不錯選擇。
麻辣鴨舌,肥美的鴨舌,係麻辣的情況下,又惹火,又好吃, 食完一隻又一隻,好吸引。
要試邊爐,大概雞煲就是最好選擇,川味辣雞皇,叫了BB辣, 比幾天前係西川吃的像好一點,味道濃一點,雞也滑一點, 雞件又大大舊,份量足,最喜歡是那個汁,如果命運能選擇, 我會叫一碗飯。
美國桶蠔,平時你食桶蠔有冇咁靚,我覺得一定冇, 頂盡係將蠔去水然後放係碟上,求其嘅有時候就成樽俾你, 但呢度嘅桶蠔呈現得如藝術品一樣, 你沒有想像過土瓜灣的火鍋店都會像寬巷子一般, 或是大陸的海底撈咁靚,蠔肥大肉厚,加上咁靚,誰又會不喜歡呢。
手打四寶丸,牛丸,墨魚丸,蝦丸,鯪魚丸四樣都好好食, 最普通的係鯪魚丸,但牛丸牛味甚濃,墨魚丸和蝦丸都爽口,說真, 賣相認真不討好,但味道就非常對辦。
珊瑚蚌,我是支持珊瑚多於貴妃蚌,樣子與質素成正比,都唔錯, 不過價錢貴一點。
打邊邊點可以冇菜,選了西洋菜,係那些雞汁的影響下,發揮更佳。
很久冇食過本地牛,手切新鮮本地肥牛, 呢個肥牛正正就是本地牛的特色,又鮮紅又手切得片片精美,不過, 沒有我想像的好,下次可能吃牛頸脊會好一點。
沒有飯的安慰,我就叫了個出前一丁,係打完邊爐後, 吸盡今晚邊爐的精華,完滿了今晚的晚飯,你不再孤單以外, 我們的肚子也不孤單。
雖然錯過了地址,但我們還是有過愉快的晚上,找次機會試試舊店, 看看有沒有分別吧。
記得下次你約去路邊鍋,不要錯過了地址。
路邊煱 Road Hot Pot
土瓜灣美景街11至13號地舖
Sent from my iPhone
沒有留言:
發佈留言