舉高隻手，駛乜怕醜

香港人，最愛自助餐，特別係其中一個風氣，就係食呢個日式放題。

不過，日式自助放題良莠不齊，要吃一餐精彩的，唔係咁易，大囍屋或者是極尚大囍屋一列都是近來最受港人歡迎的任食場，要訂位之餘還要係排隊，當我聽朋友說呢間新開的極尚大灜喜質素很高，我毫不猶豫，立刻訂位。

食物選擇有很多，order紙詳盡又精美，你冇辦法，見到隔離枱野食咁精美，一定會好似農夫咁，舉高隻手，駛乜怕醜。

大蝦沙律，大大隻的生蝦配上一堆的黑松露，還有沙律係底做配襯，非常好味，好少見沙律有咁足料嘅蝦。

食放題，兵家必爭之地係刺身，而刺身的選擇很多，劍魚腩 油甘魚，虎蝦，翡翠螺，珍寶赤蝦 ，有頭甜蝦，深海鯨龍魚 ，北海道帶子，鮑片等，有幾種刺身都幾特別，我最喜歡的是劍魚腩和珍寶赤蝦，深海鯨龍魚都幾好食同少見，有頭甜蝦也隻隻有膏，大部分的刺身叫種幾round都冇俾少或質素越來越差，所以呢part絕對合格有餘。

鰻魚蛋卷，呢個基本上係一件蛋卷，入面夾有鰻魚，係豐富蛋醬之下加上肥美的鰻魚，絕對新鮮滿分。

鵝肝帶子，呢個配搭又係新奇刺激，不過鵝肝的味道夾帶子原來又幾得意。

龍蝦膏甜蝦，我覺得呢個雖然唔係好新鮮，但那點龍蝦膏的香氣令蝦更好味，更鮮甜。

煙三文魚芝士班戟，又係新鮮的組合，都唔係壽司，似係蛋糕加上煙三文魚，喜歡與否見人見致。

巴馬火腿伴蜜瓜，呢個也是基本上唔係壽司品種，以新鮮取勝，但係幾好食，創意真無限。

三文魚腩壽司，唔鐘意三文魚的我，都要一讚這裡的三文魚腩好肥好好味，見到樣子都忍唔到食幾舊。

魚子醬赤蝦壽司，正路選舉，別的放題店的都是普通貨色。

海膽手卷，好可愛的手卷，你以為係一大舊，唔好意思，只係迷你手卷，海膽新鮮，一小口也是海膽的滿足。

極尚穴子壽司，樣子有氣勢，不過呢個質素麻麻，就如元朗大大件的質素差唔多，呢個令我有點失望。

醬燒皇帝蟹棒壽司，呢個就好食少少，蟹棒大大條，那個醬燒引人入勝。

珍味鮑魚仔軍艦同香蔥拖羅蓉軍艦都係好食之選，紫菜唔等得，唔客氣即刻食啦。

燒牛舌都係水準正常之選，如果夠位食，可以食下，不過如果好似我地咁鐘意食刺身壽司，大概應該冇乜位了。

牛油栗米，呢啲必食item唔駛講，粒粒都入味。

鐵板牛蒜牛柳粒，呢個普通左少少，牛肉粒煎得較韌較老，牛肉狂迷的朋友還是喜歡。

炒五目雜菜，任食嘅雜菜，絕對係有保證，大大碟給你消滯。

牛油蒜香帆立貝，細細粒，油香分佈均衡，非常喜歡。

焗原隻帆立貝，呢個係大隻板帆立貝，乾身少少，冇蒜香咁出色，但其質素補救。

香草紐西蘭燒羊鞍，我覺得勁勁羶，我唔識欣賞，席上另一位男孩很喜歡吃羊，就話風味一流。

自家制醬燒雞翼，得我一個食的雞翼，一千零一隻，秘制醬燒味濃又入味，好食。

燒有機鮮菠蘿，好juicy好多汁，唔鐘意都會覺得好食。蒲燒鰻魚串，呢個應該係全晚最好吃的熟食，我食左四串，朋友問我係咪傻左。

海苔多春魚和虎蝦天婦羅，都係炸品中更好味的，特別係虎蝦，唔係細細條，絕對唔孤寒，絕對係食回本之作。

辣酒煮花螺，我最喜歡佢個汁，辣得黎又好惹味，食完一碟又一碟。

沙律甜品應有盡有，我選了乳酪雪糕，唔喜歡甜品的我覺得唔錯，平常的甜品好求其，呢度一樣誠意可嘉。

飲品有可樂七喜烏龍茶韓國芒果奶，你說得出都有，基本上好似去左七仔咁。

食左咁多樣都係二百幾蚊，可以去邊搵。呢到嘅價錢，質素，地點，乜野都好平均，我相信人不多原因係還是太新，宣傳一下嘅話，一定會又大排長龍，所以，快啲黎試下。

同埋，呢度大部分野食都真係好吸引，你黎到一定要舉高隻手，駛乜怕醜，高舉食物紙，叫叫叫叫叫啦。

極尚大瀛喜日本料理 Deluxe Daieiki Japanese Restaurant

銅鑼灣駱克道463-483號銅鑼灣廣場二期11樓