食物沒有代溝

對，首先我要表達我對辣嘢嘅態度，我係一啲都唔鐘意食辣嘢嘅。

對於辣嘢，我冇乜特別辟好，我又唔係激鐘意吃到汗流浹背的感覺，有時候我係可以食下少少口水雞，水煮乜水煮乜咁樣，但係絕對唔係勁迷上癮。

來這裡的原因是因為上次吃洋蔥的晚上，見到我的朋友，朋友剛剛係同坐大廈吃完呢間四姐川菜，讚不絕口，九十後的女孩和媽媽來的餐廳，我覺得一定有原因，如果唔係九十後應該有興趣食傷心酸辣粉。

那個女孩，係一個港女，不折不扣的港女，用人唯本，係用人唔駛本，最叻收兵，樣子不算太漂亮，但有幾分的可愛，十八無醜小婦，呼風喚雨的她應該喜歡西餐，鐘意甜品，愛好咖啡，這些辣味不是她的，如果她會帶媽媽來，一定有過人之處。

之後，係一段對話，佢同我本身的話題只有代溝，但突然佢講係四姐川菜好好食，我們的距離立刻少了五年，可以來一個現代化，麻煩把我年青一點，可以嗎？

來到灣仔分店，都算幾容易搵，不過可能剛剛開張，只有街邊有宣傳牌，要有心人先知點樣搵到好嘢食。

黎到有幾個要點留意:

1.佢係好似套餐咁，不設散叫，前菜主菜你說得出都有，二人三人四人餐到十二人你任意選擇，涼菜熱菜set好哂，非常適宜不用腦袋的人選擇，每位三百，好計又大方。

2.好多日本人幫襯，今晚就有成枱的日本人係度食飯，呢度好似剩係接受jcb，同只收現金一樣。

3.座位都算幾好坐，絕對係幾適合一班人食飯嘅地方。

4，你以前川菜得辣嘢嗎？錯了，大把唔辣嘅菜你選擇。

前菜一定係食四川涼麵，食川菜點可以唔食呢個前菜，每條麵都係涼意滿載，一口四川的野和辣，就簡單地放進你的口裡面，在香港吃川菜的辣當然沒有在中國吃的好，但這裡的也絕對是不錯的涼麵，唔知點解，佢嘅texture令我想起台灣的陳家涼麵，一啖已經令人愛上，就算你怕辣也沒有太大的問題。

蒜泥白肉又係我另一個吃川菜的選擇，薄薄的豬肉充滿了強勁的蔥和蒜泥係上面，辣味不濃，反而係像鬼影變幻球突然係你的舌頭上用電槍咁把你的舌頭辣一辣，最喜歡用上的都是瘦瘦的白肉，肥的部分不多，還有些地方用油也不多，這裡辣得黎唔會有好重的辣椒油，起碼，吃下去也會覺得安心健康一點。

水煮魚同水煮牛肉之間，我選擇了水煮魚，大大碗的水煮魚一放出黎已經香氣四溢，你嗅都會覺得好香好惹味，連你的衣服好像也會立刻沾上了那些辣味一樣，魚肉多到不行，全部都係大大塊，而魚又滑溜的最佳質素，骨唔多，每啖都好似食緊魚扒咁，大概所有水魚煮的優點佢都集齊，絕對沒有誇張的成份，而那個粉還用提嗎？盡吸所有湯的精華，還有芽菜的襯托，我是在香港吃過頭三甲的水煮魚了吧。

黃燜雞，呢個係唔辣嘅菜類，可能呢度真係食辣較好，我覺得好普通，雞件幾大件幾滑，不過味道普通，如果可以，食辣會好一點吧。

最後吃個乾煸四季豆，這個也是平凡得很，不過係刺激到不行的辣辣感覺下，味道較為保守，也是沒有了剛才的驚喜，我想大概全部都叫辣嘢就是最適當的做法了。

二人餐還送個菜，不過菜較多油，最好還是不要叫那個乾煸四季豆，都係個句，食辣野，食辣野，食辣野。

早說過，食物沒有代溝的，連一個九十後的女仔會帶佢媽媽去食辣嘢，這個已經是信心保證了吧，如果你說喜歡吃川菜，請來試吧。

四姐川菜 Sijie Sichuan Restaurant

灣仔告士打道171-172號安邦商業大廈1樓